Yõwánĩ gólâ ãlô lãjóꞌbá Yésũ kâ rî ꞌásĩ. Gólâ îgĩ búkũ nô ãꞌdô ró õjílã Yúdạ̃ kâ yî, gõꞌdá õjílã lídí pãzó tã lẽlé Yésũ ꞌá. Gólâ îgĩí tã íꞌdígówá rĩrĩ Yésũ kâ rî kô, gõꞌdá võ lâ ꞌá rî, gólâ îgĩ tã tãlârâkô kâ, gõꞌdá tã îmbâ Yésũ drí îmbálé rî ĩꞌdî. ꞌDĩî rî âꞌdâ kĩ, Yésũ âꞌdó cé õjílã mvá ꞌî kô, gõꞌdá gólâ Ôvârí ꞌî.
Búkũ nô îtõ tã âꞌdálé kĩ, Yésũ ãꞌdô úlị́ Ôvârí kâ ꞌî, ngãtá võrã ꞌî ãngó drí, gõꞌdá õdrã gólâkâ âꞌdô âꞌdóꞌá ngá fẽfẽ ró tã õnjí ãngó kâ trõlé ndrĩ vólé. Gõꞌdá gólâ ĩꞌdî ꞌdíyî pã ꞌbá ꞌî, gólâ rî ânĩ-ânĩ tã lâ ậngũlị́ trá îgĩlí búkũ ạ̃kû rî ꞌá rî. Kápĩtã 13-17 Yówánĩ âꞌdâ tã ífí lõvõ Yésũ kâ lãjóꞌbá íyíkâ yî tã sĩ rî trá, gõꞌdá úlị́ tãndí ꞌdí yî âtâ kâ âtálé gólĩyî drí lạ̃njạ́túlị́ bê ãkpã drẽ úrú gólâ kô rî ꞌá. Búkũ nô ạ̃dũkũ lâ ꞌá rî, âꞌdâ tã Yésũ kâ rî kĩzó rî trá, gõꞌdá gólâ rî îpázó fê lậlị̂-lậlị̂ drị̃ị̂ rî, gõꞌdá tã lîdrî-lîdrî gólâkâ õdrã ꞌásĩ rî, rû âꞌdâ gólâkâ tã âríꞌbá íyíkâ drí võ ngĩíngî ꞌásĩ rî bê.
Click here to go to the Audio player and select 'John' from the player list (it appears when you click on the down arrow next to the book name).
