Búkũ nô Lúkạ̃ îgĩ nĩ, gólâ îgĩ kpá búkũ tã âtî-âtî tãndí Lúkạ̃ kâ rî nĩ. Búkũ nô ꞌá rî, gólâ âꞌdâ tã trá ngãngã Yésũ kâ nĩzó ûrú ꞌálâ rî vósĩ rî trá. Gõꞌdá tã âríꞌbá Yésũ kâ îtõ trá tã âtî-âtî tãndí gólâ rî tãsĩ rî âtálé sị́sị́ õrĩ Yúdạ̃ yí kâ yî drí, ꞌbạ̃drị̃ gólĩyî ífífí kâ ꞌá, gõꞌdá kpá õjílã lídí drí ꞌbạ̃drị̃ ãzâ yî ꞌásĩ. Lúkạ̃ âꞌdâ tã Líndrí tãndí drí ânĩzó sị́sị́ tã âríꞌbá Yésũ kâ yî drí ndrĩ rî trá, gõꞌdá rĩlí kárá gólĩyî pãlé, mbârâkã fẽlé gólĩyî drí drị̃-ꞌbạ́ gólĩyíkâ yí bê.
Kápĩtã 1-12 ꞌá rî, Lúkạ̃ âꞌdâ rõô lâ tã gólâ lâjóꞌbá Pétẽrõ drí ꞌẽlé rî ĩꞌdî, gõꞌdá tã gólĩyî rû ꞌẽꞌbá krístõ ꞌbá yî drí Yérõsãlémã ꞌálâ rî bê. Ngîngîlâ tã gólĩyî rû ꞌẽ ꞌbá kôrô Líndrí Tãndí ꞌásĩ gólĩyî pãlé tã nị̃lị́ kĩ, Ôvârí lẽ tã âtî-âtî tãndí Yésũ kâ lôpélé õjílã drí ꞌbạ̃drị̃ ꞌásĩ ndrĩ, âꞌdó cé õrĩ Yúdạ̃ kâ yî drí kô. Kápĩtã 13-28. Lúkạ̃ âꞌdâ tã Líndrí tãndí drí mbârâkã fẽzó lãjóꞌbá Póõlõ drí tã âtî-âtî tãndí Yésũ kâ lôpézó võ ngĩíngî ꞌásĩ, ꞌbạ̃drị̃ Ásĩyã kâ ꞌá, gõꞌdá ꞌbạ̃drị̃ Érõpẽ kâ ꞌá, gõꞌdá ạ̃dũkũ lâ ró rî jạ̃rị́bạ̃ Rómã kâ ꞌálâ. Íꞌdígówá ꞌdĩ yî ꞌásĩ rî, Lúkạ̃ îgĩ tã dũû tã Póõlõ yî gõꞌdá lãjóꞌbá ãzâ ꞌbá yí bê drí pẽlé rî yî trá. ꞌDĩî rî pâ ãmâ trá tã ꞌdî yî ndrẽlé lạ́tị̂ gólĩyî drí tã âtî-âtî tãndí Yésũ rî tã sĩ rî âꞌdázó võ ngĩíngî ꞌásĩ tã ngĩíngî lãfálé ꞌásĩ rî trá.
Click here to go to the Audio player and select 'Acts' from the player list (it appears when you click on the down arrow next to the book name).
