Búkũ nô Lúkạ̃ îgĩ nĩ, gólâ îgĩ kpá búkũ tã ꞌẽꞌẽ kâ rî nĩ, gólâ âꞌdó õrĩ Yúdạ̃ kâ ꞌásĩ kô, gõꞌdá gólâ õjílã Gị̃rị́kị̃ kâ ꞌásĩ tã zị̃ ꞌbá rõô rî ĩꞌdî, gólâ âꞌdô trá Krístõ ꞌbá ró. Gólâ rî trá Póõlõ rî âjílí âcí tõ võ ûrûkậ ꞌásĩ nĩꞌá tã âtî-âtî tãndí Yésũ kâ pẽ bê. Búkũ nô ꞌá rî, gólâ âꞌdâ tã rĩrĩ gõꞌdá lôsĩ Yésũ kâ lạ́tị̂ mbị̂ rî ꞌá, ãꞌdô ró õjílã gólĩyî ꞌbã ꞌbá Yúdạ̃ ró kô rî yî drí tã lâ nị̃zó.
Lúkạ̃ îgĩ tã ãzâ ꞌbá yî trá búkũ nô ꞌá, âꞌdó ꞌbá búkũ tã âtî-âtî tãndí ãzâ ꞌbá yî ꞌásĩ yû rî trá, õzõ tã Yõwánĩ bãbãtízã rî tị̃zó rî kâ, tã Yésũ rî tị̃zó rî kâ, gõꞌdá tã gólâ rî ꞌdĩyĩmvã kâ, gõꞌdá tã pẽpẽ Yõwánĩ bãbãtízã kâ rî bê. Gólâ âꞌdâ kpá tã lẽlẽ Kúmú Ôvârí kâ õjílã ãngó kâ drí ndrĩ rî trá. Yésũ îmbâ tã ꞌdî trá úlị́ mãnĩgõ sĩ õzõ tã gólĩyî sãmárĩyã léꞌbá tãndí kâtí rî (kápĩtã 10), gõꞌdá tã ágámvá gólâ ậvị̃ ꞌbá rî tãsĩ (kápĩtã 15), gõꞌdá tã rĩzó bélé-bélé ûꞌdú ꞌbá lẽlé kô rî bê rî (kápĩtã 19), gõꞌdá tã Yésũ drí lãtrítrí ꞌẽzó ũgú drí kĩ, gólâ ãâꞌdô lédrẽ-lédrẽ ạ̃dũkũ ãkó rî ûsúꞌá rî (kápĩtã 23).
Lúkạ̃ îgĩ tã trá ândálâ dũû tã lôsĩ Líndrí tãndí Ôvârí kâ rî kâ sĩ rĩrĩ gõꞌdá lôsĩ Yésũ kâ ꞌá, gõꞌdá gólâ âꞌdâ tã Yésũ drí rĩzó rãtáã ꞌẽlé ị̃tú vósĩ cé rî trá. Bũkũ nô ạ̃dũkũ lâ ꞌá rî, gólâ îgĩ tã Yésũ drí íyî âꞌdázó ândálé-ândálé lãjóꞌbá íyíkâ rî yî drí, gólâ rî lîdrî-lîdrî õdrã ꞌásĩ rî vósĩ rî trá. Tã ꞌdî yî âꞌdâ pạ̃tị́ị̃ kĩ, Yésũ trá lédrẽ-lédrẽ ró kpá óꞌdí.
Click here to go to the Audio player and select 'Luke' from the player list (it appears when you click on the down arrow next to the book name).
